Ngā Whakaari Reo Māori
I ia tau ka whakaatu a Taki Rua i ngā whakaaturanga ki te hunga tamariki e kuraina ana huri noa i Aotearoa, ahakoa te pakeke. He whakaari pārekareka, he whai kiko, otirā he reo Māori. Nō te tau 1995 whakarewa ai Te Wā Reo Māori ki Te Whanganui-a-Tara, he tīma kaiwhakaari me tōna hāpai o muri ka huri haere i te whānui o Aotearoa, ka kawe atu i ngā rauemi whakaari, ngā kākahu, ngā taputapu me ngā taonga oro. Ahakoa pēhea nei te mārama o te tangata ki te reo Māori, he whakaaturanga whakahihiko tēnei ka tāea e te katoa te mātakitaki, ka whakaatuhia atu ki ngā kura kaupapa, ki ngā kura auraki me ngā hapori whānui.
Nā Tere Harrison
He hiahia nui tō Rongotai ki te noho hei kaituku waiata rongonui ki Aotearoa, heoi, ko tō Kui Hauora kei te tapepa haere kē a ia. Nō reira, mā te tautoko o tana whanaunga a Whaiora, tētehi hue tūmatarau, ngā waiata me ngā haka a Kui Hauora ka whakaako a Kui Hauora i a Rongotai ki ngā waiata tawhito hei mahi māna ki te whakataetae ki Te Pao Roa. He pūrākau a Te Aka Tawhito mō ngā wero ki te hunga rangatahi. Ko ngā wero o te whakatau moemoeā, te tō mai i te hinengaro ki te ao mārama me te mahi nui o te whakapono ki a koe anō.
He whakaatatanga tēnei kaupapa o Te Wā Reo Māori i ngā mahi toi, i nga mahi auaha huri noa i a Aotearoa mā te tuku whakaari ki te reo Māori, kia kounga ai ngā kaupapa Māori me ngā kaupapa reo Māori ki te motu whānui.
Kaitā Pikitia Jacob Wilkins-Hodges
E huri haere ana te whakaari rumaki reo nei o Te Aka Tawhito ki ngā taone nei huri noa i te motu i te wāhanga tuatoru o te tau.
Mēnā koe e noho ana ki ngā wāhi kua whakamuramurahia i te mapi nei tuku īmera mai ki a bookings@takirua.co.nz hei whai i te pepa tono.
Te Utu o ngā Whakaaturanga ki ngā Kura
0 - 50 Tamariki $300
51 - 100 Tamariki $600
101 - 200 Tamariki $900
201+ Tamariki $1,200
E rua ngā whakaaturanga ki tō kura i te rangi kotahi $1,500
